Los socialistes asturianos van al congresu de Sevilla con "ilusión" y "esperanza"

Llamedo solliña que van con "voluntá de diálogu" y l'oxetivu d'inxertar propuestes que "beneficien" al Principáu

La delegación asturiana que va hasta’l domingu al Congresu Federal del PSOE en Sevilla failo con "ilusión" y "esperanza" y l’oxetivu de defender los "intereses" de la comunidá.

Según aseguró esti vienres la vicepresidenta del Principáu, Gimena Llamedo, los socialistes asturianos, encabezaos pol secretariu xeneral de la FSA y xefe del Executivu autonómicu, Adrián Barbón, defenderán los intereses de la comunidá n’asuntos clave como’l fortalecimientu de los servicios públicos, les infraestructures, el mediu rural, la vivienda o la igualdá.

Llamedo solliñó que van con "voluntá de diálogu" y l’oxetivu d’inxertar propuestes que "beneficien" al Principáu, "tamién en financiación autonómica".